მცხეთა – საქართველოს ძველი დედაქალაქი, თბილისიდან 20 კმ-ით არის დაშორებული, რომელიც წარმოადგენს ქართული მართლმადიდებლური ეკლესიის ძირითად ცენტრს.
მცხეთა ულამაზესი ქალაქია, რომელიც გვაცნობს ქართული კულტურისა და არქიტექტურის თავისებურებებს. აქ შეგვიძლია ვიხილოთ უამრავი ხუროთმოძღვრული ძეგლი:
- სვეტიცხოვლის საკათედრო ტაძარი, რომელიც იუნესკოს მსოფლიო მემკვიდრეობის ნუსხაშია შეტანილი
- მცხეთის არქეოლოგიური მუზეუმი
- ბებრის ციხე, რომელიც აშენებულია ანტიკურ პერიოდში და მოიცავს დაახლოებით 1500 მ²
- ჯვრის მონასტერი, რომელიც თარიღდება 585-604 წლებში ჩ.წ.აღ. იგი 1994 წელს იუნესკოს მსოფლიო მემკვიდრეობის ნუსხაში შეიტანეს
- არმაზციხე (ბაგინეთი), ისტორიულ არქიტექტურული ძეგლი
- შიო მღვიმელის მონასტერი, იგი დაარსებულია VI საუკუნის მეორე ნახევარში ერთ-ერთი ასურელი მამის, შიოს მიერ
- ზედაზენის სამონასტრო კომპლექსი მოიცავს ნათლისმცემლის სამნავიან ბაზილიკას, კარიბჭე-სამრეკლოს, გალავანს და ციხის სხვა ნაშთებს