ბახმარო – მაღალმთიანი კლიმატური კურორტი, რომელიც შავი ზღვის სანაპიროდან სულ 50 კმ-ით არის დაშორებული. აქ მთისა და ზღვის ჰავა ერთმანეთს ერწყმის. ზამთარი ზომიერად რბილია, ზაფხული – საკმაოდ გრილი. კურორტი ზღვის დონიდან დაახლოებით 2 000 მ სიმაღლეზე მდებარეობს. ზამთარში თოვლის საფარის სიმაღლე 7 მეტრს აღწევს, რის გამოც ამ პერიოდში ბახმარო ძნელადმისადგომი ხდება. ამიტომ საკურორტო სეზონის პიკი ზაფხულის თვეებზე მოდის.
ბახმაროს ტერიტორია გარშემორტყმულია წიწვოვანი ტყით. აქაური ჰავა რეკომენდირებულია ანემიის, ასთმის, სასუნთქი სისტემის დაავადებების მკურნალობის დროს. ბახმარო ევროპის ერთ-რთი ყველაზე მაღალი და ყველაზე მზიანი კურორტია – მზიანი საათების რაოდენობა წელიწადში 2 000-ს აღწევს.